ҚАЛҚОНСИМОН БЕЗ САРАТОНИ

Аннотация

Ушбу монография қалқонсимон без саратонининг замонавий тиббиётдаги долзарб муаммоларига бағишланган бўлиб, касалликнинг этиологияси, патогенези, эпидемиологияси, клиник кўринишлари ва морфологик шакллари комплекс равишда ёритилган. Асарда саратонининг эрта ташхиси, лаборатор-инструментал текширув усуллари, дифференциал диагностика масалалари ҳамда замонавий даволаш тактикалари — жарроҳлик, радиойод терапияси, медикаментоз ва комбинирланган ёндашувлар илмий-амалий нуқтаи назардан таҳлил қилинган. Шунингдек, профилактика чора-тадбирлари, хавф омиллари ва касаллик прогнозига таъсир этувчи клиник-морфологик мезонлар алоҳида таъкидланган. Монография тиббиёт олий ўқув юртлари талабалари, клиник ординаторлар, эндокринологлар, онкологлар ҳамда илмий тадқиқотчилар учун мўлжалланган..